 |
| Cover Page, Volume 1 Issue 1, Kokborok Edition (left) and English Edition (right) |
East Twipra ni bwkhak twi puila Kokborok tei English bai News Magazine karijakna thangwi tongo, Aboni puila Volume tei puila issue ni mung Taklai bisini hasteo chongmari no twywi, O chongmario jottoni mokol kwlaijak Tipra Motha ni mungwi, bahai borok King eba Kingmaker wnngwi man aboni naitukmungo chini o special report no norok nasing tongdi.
The brief: Haste gwnangwi no saimano taklaini chongmario TIPRA Motha eba Tipraha Indigenous Progressive Regional Alliance no karwi Hapang swnamannai thuknai, Tripura ni laibumao taklaino puila nugwi manno Hung Assembly, Hung Assembly abono hwno je election no keboni ke majority nangmani tubui manya wngwi, hapang swnamwi mansokya. Obo wngnani teibo wngthothok tangwi matong hwnmale, kaisa tei teisa ni political stances, kaisa phasing Tabuk hapang chaloknai BJP tei kaisa phasing bisi nwichiba(25) ni bagwi hapang romthangnai Yaksi bodol tei Tabuk borog ni logi Congress, borog bo kwdwk ma bisini bagwi hapang swnam lang kha, tei tei kaisa phansing 'Motha', Bubagra ni yangtwi swrai swrai khe sajak tongu, manthai rok swijak Manya hwnkhe kebo bai phano alliance wngya, Nangkhe Oppositiono achuknai haiphano Tiprasa rokni manthai no sokomorwi hapang achukya. Phiya kebo phano abo swiywi rwnani gosiya, abni bagwi no Tripura ni laibumao taklaino puila Hung Assembly nugjagwi mano. Haiphano kaisa scenario chwng naywi manu, kubuni phatar haste rogo nugmani hai, chóngmari wngwi phaimani yagulo chongjak MLA rok bodol swlai laimani, tabuk obo naina tong sio, sabo bodol ni bisingo khorok bwswk jottoni sai loyal tei disloyal borok tong, abono chwng nasingwi simi tongwi manu.
Chini puila Issue Chóngmari ni yagulo sarokjaknai, norok chini newslettero Subscribe khaywi tong di jottoni sai swkang saimanna bagwi.
Hambai.
From Abel Debbarma
Editor-in-chief, East Twipra
And Team.