Tripura ni MMA thwngkwrwngrok kaisa Rangchak, kainwi Rukphai, tei kaitham Bronze Mukumu narwk mankha.

Haktor gwnangni khorokbrwira(400) ni sai phano kwbangkuk MMA bataimungo batainai rokbai bataywi Tripura ni thwngkwrwngrok kaisa Rangchak, kainwi Rukphai, tei kaitham Bronze Mukumu tubui mankha.
Haino hai, Tripura ni MMA thwngkwrwngrok kaisa kotor MMA batailaimungo Tripura ni bagwi kaisa Rangchak, kainwi Rukphai, tei kaitham Bronze Mukumu narwk mankha.

Haktor gwnangni kainwichibrwi(24) haste tei Union Territory ni khobwi ni khorokbrwira(400) ni saiphano kwbangkuk MMA thwngkwrwngrok bisingo bataywi Tripura ni MMA thwngkwrwngrok kaidok(6) Mukumu tubui mankha. Mukumu tubunai rok wngkha Joseph Kalai - Rangchak (Gold), Saijak Debbarma - Rukphai (Silver), Manisha Debbarma - Rukphai (Silver), Khapang Debbarma - Bronze, Rajib Debbarma - Bronze, tei Sabinoy Debbarma - Bronze.

Khorokchuku(9) Tripurani batainai ni bisingo, khorokdok(6) batainairok borogni sal kwdwkmani swrwngmani bwthai O bataimungo mannwi mankha, tai kaisa Rangchak, kainwi Rukphai, tei kaitham Bronze Mukumu narwk mankha.

Bataimungo Khorokdok Mukumu mannai rok
Haiphano aro Tripurani khoroktham MMA thwngkwrwngrok Medal mannani kisa ni bagwi korokha, phiya obo borogni bagwi kaisa swrwngmung haikhe borog nakhe, tei philsa bataimungo teibo kuchugo kannani yakhli se swnamjakma kwlayu hwnwi chongwi manu.

MMA hai 'Contact Combat Sports' rok Tripurao kama bagwi kwbangma sikla-sikli rokbo O thwngmung bai teibo gwdalanw hwnwi Elemi rok khakayo, tei April talo Tripurao bo puila philsa MMA batailaimungo songchajakma yagulo O thwngmungni hapharo Hanna bagwi teibo muchungnai rokno kasai phayanw hwnwi MMA Tripura ni khachongma.
Tripura State MMA Championship
MMA Tripura borogni khabai khukbai hambai yapharkha MMA India no borog O bataimungo kaham kwrwng khe songchaimanma bagwi tei je nangmani swk chubachu yapharma bagwi.

Haste ni Youth and Sports Affairs ni Montri Tinku Roy, Tiprasa Hamkrai Montri Bg. Bikash Debbarma, TTAADC Haphang ni Youth and Sports ni EM Bg. Suhel Debbarma, tei Haste ni Montri Okra Dr. Manik Saha bo haste borogni hamjakma yaphar.
Previous Post Next Post

Contact Form