2021-22 o National Party rokno rwjakma Donation rokni bisingo 80% ni sai kwbangno BJP rokni oro rwjago. ADR ni report.

February 14, 2023 salmario Association of Democratic Reforms (ADR) ni report ni bwkhak twi saimankha, 2021-21 financial bisio, kaichar National Party rokno rwjakmani donation ni bisingo 80% ni sai kwbangkuk, abo ₹614 Crore rangmari no BJP rokno rwjakha, ₹780 Crore rangmari ni bisingo.

O report ni bising twi no saimankha Indian National Congress (INC) ₹95 Crore rangmari manwi BJP ni tola kwchakha. O reporto sajakha, INC, CPI, CPI(M), NPEP tei AITC ni manma bebak miliwui bo BJP manma swk sogwi na bagwi tei waitham abo swk nanganw hwnwi.

ADR borogni reporto ₹20000 rangmari ni sai saka ni donation 2021-22 financial bisio National Party  rok manma, Election Commission of India (ECI) o party rok sarokmani simi naharu.

O report ni bising twi saimankha, thanai 2020-21 financial bisio rwjakma donationi sai ₹187.026 Crore rangmari abo 31.50% ni kamung nugjakha.

O report ni bising twi obobo saimankha je 80% swk donation abo ₹625.883 Crore, National Party rokno khlaijakmani kotor kotor corporate tei business bwkhak twi se phaio hwnwi. Oboni bisingo, BJP rok ₹548.808 Crore rangmari, tei juda party rok manmani ₹77.075 Crore rangmari ni sai waisni(7) kwbang corporate rokni yangtwi donation mankha 2021-22 financial bisio. Aroni bising Congress rok  ₹54.567 Crore corporate tei business khairokni yang twi donation mankha.

Prudent Electoral Trust jottoni sai kwbangkuk donation rwnai hai wngwi nugjakha BJP tei INC kainwi party rokni bagwino. Borog BJP rok manmani rang ni bisingo 54.75% borog no rwkha tei INC manmani rang ni bisingo 17.28% borog no rwkha hwnwi report ni bwkhak twi saimankha.

Amswk naichomung no karwi bo, ADR borog ni bwkhak twi jotto National tei Regional Political Party rokno sakha, borog ni jotto rang bai manjujak kokrokno saroknani hwnwi Right to Information ni wngtwi. "Obo Political Party rokno, Chongmari rokno tei (Lukuphang) Democracy no teibo rak rwnao chwngno chubanai" hwnwi sakha.

Support East Twipra by Donating to our efforts with the QR code provided in the post or through this UPI ID : swngchar11@oksbi