Nwng Nepali da? Tripura boro? Dr. Shimul Jamatia bo amtwi no swngjakha, Chini Haktor ni Capital Delhi o.

Designed by: Abel Debbarma

February 18 ni horo, Delhi tongwi tongnai Dr. Shamul Jamatia khoroksa borok bai, "Nwng Nepali da?", hwnwi swjakmani patimungni bini Facebook post twi chwngno sai khna rwkha.

"Tini teisa khoroksa borokbai ang malaikha. Bo ano swngkha nwng Nepali da? Nwng biyangni?

Ang Bono Sakha ang khoroksa Tripuri tei ang Tripura haa ni hinui. Bo ano teisa swngkha biyang o Tripura, ang bono teisa Sana chaitokha India haktorni North-East khobjako o hinui. chapmanjakya wngwi teisa   swngo Northeast Biyang hinui? Aboni yagulo ang bono India mape bahai phunukna chengkha.

Ang khoroksa UG ni student wngphai phuruni simi haktorni kwrwng kwrwng thaio bus tei train bai berai phuru mohai swngmung kwbangma swngjakha.ang wanakha Tamoni bagwi North-East ni Lukurog tabukbo Hayungni lukurobai sinijakyakho.chini haktor bwswk Kotor tei bwswk naithok hukumu  Mohai elemrok puila beremni swrwngmungrogo tei rwngnokrogo phwrwngjakyade.

Paithako ang wansukna chengkha India Govt. North-East ni hasterogni hukumurogno twiyui phwrwngna tangbwtang yago nathai India haktorni kwrwng kwrwng thaio pirnani bagwi".

Dr. Shamul Jamatia ni khe kothoma kaisa se khu, phiya bisi kwdwkma ni simi no, Northeasto tongnai kungbara rokno, borogni goron ni bagwi kwbangma thaio juda juda khuk chaya mung tei sak nangjakya wngwi phayu.

Kaisa ya kaisa kotor patimungni yagulo khorang pal khe oboni twywi tisalaima ulo bo tabuk le Haktoro tongnai borok rog sibai khna hwnma ulo bo kwbangma sak nangya khaijakma patimung rok salbrum-brum no khna horo.

COVID-19 ni puila wave phaiphru bo, kwbangma Northeast ni borok rogno "Chinese Go Back" hwnwi Khuktwi musunai rokno bo nugkha.

India ingres(British) rokni yakni phiyokjakmani bisi Snichidok(76) kakha phiya tabuk phano niji hani borok rogno sak nangya, tei kwbangma khuk chaya mung rog khumani nugjak tongkho.

Phiya bahai khe obo rokno mwthaknai? Buphuru Northeast ni borok rokbo kubui Indian hwnjakno?Chwng sak tharwi nasingwi simi tongwi manu.

.

.

@easttwipra.in no follow khaidi Kokborok bai Hayung gwnangni koktwma manna bagwi.

Support East Twipra Support Kokborok Journalism by Donating to our small efforts with the QR code provided in the post or through this UPI ID : swngchar11@oksbi