 |
| J.P Nadda |
BJP National president(Achukphang) BG. J P Nadda salnwini Tripura Haste beraimungo phainai nwichichar(28) tei nwichichuku(29) salmario. Bini beraimungno kitingwi BJP jotto adongrog khatung laijak. Koktwmani bisingtwi saimanjakha hasteo sokphai kheno bodolni MP, minister, MLA rok rokbai koklam salainani tei bodol ni bising kha kheklaimano mwthaknani. Abono karwibo BJP ni alliance partner IPFT ni adongrok bai juda khai manlaywi 2023 ni chongmarino naharwi koklam salaina koktwma. Khurchathai kwlaio bisisa swkang TTAADC chongmario vote kisa manwi BJP mechenjakmani, aboni bagwi BJP ni Tiprasa leader rokbai bo koklam salaywi 2023 chongmari wo Tiprasa vote no thansa khaywi chongmari kwplai wngnani bagwi koklamo achuknani koktwma. Koklam salaima pandao manjaknai mantri okra BG. Dr. Manik Saha, tei mantri okra yakchu BG. Jishnu Dev varman akosong.
Paithak sal eba nwichichuku(29) salmari o TTAADC ni headquarter Khumulwngo kotor luku kuthumung pandao manjagwi kok kwcharnai BG. J.P Nadda. A luku kuthumung pandao manjaknai hasteni BJP ni naikolphang barja manjak BG. Binod sonkar tei Hasteni mantri okra tei montri okra yakchu teibo montri, MLA akosong. Hasteni Laibumao obono puila J.P Nada Khumulwngo(the City of flower) yapri rwnai. A salo bwswk joratwi Khumulwng supung mano abono mokol kaichom laijak lukurog BJP ni phasing
Khurchathai kwlaio Khumulwngo lukuthum panda khaimani naharmung, Tiprasa eba Jana jati rokni vote. Tiprasa rogno sotonwide mano? Lukurog ni bwkha BJP Hasteni thwngrwng ni halok biyang regional party rok de kokchap nok mano? Saboni thani kokchap nogni chabi(key)?
Regional party Tipra Motha rogni sanmungno, lukurog bwskango toniwi chongmari bataina tiyar wngjak abo wng kha "Tipraland" phiya lukurog sabono 2023 chongmari o Tripura hasteni Kokchap nogo bo bodolno roharno jora phaikhe nuknai.
Tags
Politics