Indiani puila selfie Tripura ni Bubagra bai se naharjagu

Bubagra Bir Chandra Manikya bai bini hik Isri Manmohani Devi

Tripura ni Bubagra Birchandra Manikya Bahadur bai Maharani Manmohini Devi ni mangpili no India ni puila selfie hwnjagu. 1880 bisio naharjak o mangpili wo chwng nugwi mano Bubagra Birchandra Manikya Bahadur bini hik Maharani Manmohini Devi bai, phiya O mangpili tangwi aphuru ni jorao naharjakma mangpili rogni swlai juda khe sinimung hwnkhe, aphuruni jorani mangpili nama wo bwrwi rokno mangpili bwskango bothothokhe bachajak eba achukjak mamg nugu, haiphano o mangpili wo Maharani Manmohani bini saini bangra tei khurio yak rwjak khe tei bangra wo bo bini bokhorok bomjakhe nugu, abono naima baino chwngbo saimano borog kwbak tonglaima, abono aphuruni jorani bagwi haikhe mangpili bujakmani belai kotor kuk, teise o mangpili naharjak phuru borogni logi a nog bisingo kebo kwrwi, chwng Bubagra Birchandra Manikya ni yagno kaham khe naharwi naikhe nugnai bo aro shutter kokjaknai(trigger) romjak, abono sinwi bo o mangpili no bukha keboni chubachu nangya ui aboni bagwi no abono India ni puila selfie hwnjagu. 

Isri Manmohani Devi

Aphuru abohai wngmani belai kheno kotor kok tongmani, Maharani Manmohini Devi ni mangpili bwskango lachijakma-kirima kwrwi hai nugwi Barot hani kwbangma bwrwi rokbo tisajakma hai wngjakha, aboni bagwi no aphuru ni simi kwbangma bwrwi rokbo camera bai baksa teibo gwdalnani chenglaikha.