Manipur ni sikli khoroksa bukhuk Linthoi Chanambam Barot haktorni puila Judo World Champion wngkha

 

Linthoi Chanambam

Thangnai phasalo Linthoi Chanambam laibuma swikha, Indiani puila Judo World Champion wngwi, bo Indiani wngwi Rangchak medal mankha 57kg ni bising eba tei kunu bisini bisingo puila.

Bisi chisa umorni Manipur hasteni sikli Linthoi Chanambam Brazilni Bianca Reis no mechenwi, jottoni sai kuchuk achukthai mankha Bosnia tei Herzegovina ni Capitalo bwrwi rokni 57kg ni bising batailaimao.

Sports Authority of India(SAI) ni bwkhaktwi saimankha, Linthoi Target Olympic Podium Scheme (TOPS) ni khoroksa development group athlete ni beneficiaries hwnwi.

Bo haktorni thwngmung thwngnai rokni bisingo khoroksa chwngsasa athukiri, July talo bo sal tham ni bisingo no Rangchak manwi Indiani medal manmani bwthangno chengsai rwkha, Asian Cadet and Junior Judo Championship 2022 bangkogo wngmani batailaimungo. Aphuru Linthoi 63 kg ni bisingo batailaimao Rangchak manu.