 |
| Hardik Pandya Asia Cup T20I |
28 August Koktisalo, UAE ni Dubai International Stadiumo India bai Pakistan ni bising T20 thwnglaimung wngmao India Pakistano 5 wicket bai mechenkha.
India toss paimani yagulo bowling khainani chongkha, hwnkhe puila ni kainwi over ni bisingo no puila wicket Pakistan ni Captain Babar Azam ni kosai twlangkha Bhuvneshwar Kumar ni bowling khaimung bai, aboni logi logi no Indiani kwplai wngnani lama bo khulugwi rwkha. Pakistan paithago all-out wngma bai 147 ni run simi khaywi India ni bagwi 148 ni target rwi kwlangkha.
Phiya India ni chengmung belai achumsa KL Rahul ni wicket puila overni bisingo thangwi paima bai, India no kirima singsa thayo khiklai rwkha. Aboni ulo Virat Kohli phaima bai kisa helengsai thangkha India ni sakani barja. 7 over paitwi paitwyo khe Rohit Sharma ni wicket thangma bai teisa kirimasingsa thayo khiklainani samung bo khwlaikha. Virat Kohli bo aboni ulo 8 over ni paithago wicket kwmajakha.
Rabindra Jadeja bai Surya Kumar Yadav ni partnershibo aswk tikiliya, Surya Kumar Yadav ni wicket thang paima bai. Aboni ulo batting khaina bagwi Hardik Pandya phaywi teisa India ni poja no heleng khainani samung khaiphaikha. Borogni partnership India no kwplai wngmani dagar jora dagarwi rwiphano Rabindra Jadeja paithakni overo out wngwi thangma bai, sundrui rwkha lukurogni bwkhano. Haiphano Hardik Pandya paithakni kaitham bowl tongmani bisingo Six kaisa bu'ui India no kwplai ni kothok chamung charwi rwkha.