Reality of Autonomous State - A tale of the Constitution Solution for the Tipra People

 

Background Image - A session in TTAADC Council Bhawan. Map of TTAADC and Image of Bubagra Pradyot Kishore Manikya Debbarma 

Chwng taklai 'State within a State', 22nd Amendment ni bisingo Article 244(A), tei Autonomous State rok hwnwi kwbangma khwna khna. Tiprasa rokni 'Constitutional Solution' hwnjaknai Tipraland eba Greater Tipraland no 'Full Fledged State' swnam manya phano aboni hai samla-lai phano de swnamlai manlaino abono chaitokmung khailai tongu.

Phiya baithang ni kok baksa borok rokni bagwi kha'ui manu tamni hwn ba, Autonomous State ni 'Provision' chini Kerong-Bijabo(Constitution) swrai swraikhe Khakjakya(Undivided) Assam haste ni bagwi se tubujakmani, Chini Kerong-Bijab ni 22nd Amendment Act 1969 twi Article 244(A) no dajakmani bai.

Haiphano 22nd Amendment Act 1969'o Article 244(A) chwngno tamo sananai?

Aro sajak tongo Article 244(A) - Abo Parliament no Assam ni bisingo 'Autonomous State' swnamnani bagwi kerong-raida rok tubunani, tei A Autonomous State no Kerongchabjaknai(Legislature) eba Council of Minister rok bo rwnani tei bini phan rok bwswk jora twi wngno abo rokni bagwi bo raida swnam rwimannani phan rwo.

Obono saimanwi bo tabuk phano kwbangma ba lukurok, thwngkwrwngrok tei kerong-raida kwrwngrok Autonomous State manna nw hwnwi khakailaijak. Phiya abo baithango wngna bagwi kwcham Amendment no simi thepaui manna ni thuknai, tamni hwnkhe Article 244(A)'o Assam haste ni kok simi se sajak tongu, tei baithango abo Tripura tubuna hwnkhe tei kaisa Amendment ma khlaiphio nai Parliamento.

Chwng laibumao khursai naikhe 6th Schedule bo agi Assam haste ni bagwi simi tongmani phiya Parliamento Constitutioni Amendment khwlaywi Tripura no bo aro kaarwi(insert) rwkha, tabuk Autonomous State ni bagwi bo amtwi hai Amendment no makhalayu nai Parliamento. Haiphano haphango achuk tongnai BJP abo khlai rwnai bagwi gosi'ui de nano? Bwskango Lok Sabha chongmari gana rwrwk, amswk jora kisao Tiprasa rokni bagwi amtwi hai yapri de selangno? Swngmung kwbangma tabuk kwchai tongkhu.