 |
| Khoroknwi Bangladeshi Wanjwi Thurukrok Chandrapuro romjakha. |
East Agartala Police Station ni Officer-in-charge Rana Chatterjee sakha bórok chasalni horo kaisa huijak koktwmani bisingtwi khwlaijakma 'Operation' bai romjakha.
The two intruders have been identified as Mizanur Rahman and Mohammad Hasim. They were handed over to the court on this day seeking police remand to unravel the mystery of how and why they intruded at the moment of pre-puja.
O khoroknwi romjaknairokni sinimung saimankha khoroknwini bumung Mizanur Rahman tei Mohammad Hasim, tei saimankha khoroknwino Bangladesh ni Netrakona hangkhorni hwnwi.
Khoroknwini saka'o no chaya lamatwi Barot haktoro habma bagwi majra berjakha tei bórokno miya amchaini bujthumnogo twlangjakha, naimwthang bedekrok tabuk phano saimanyakho bórok bahaikhe eba tangwi Osa ganao ayang narni básui phaikha, aboni bagwi naimwthang bedekrok tabuk bo kwrak naitukmung khlai tongu.
Chatterjee sakha "Policerok O chaya lamatwi haktor bisingo habwi phainairokni saka teibo kwrak naitukmung khlaijaknai, bórokni logi'o sabo-sabo kwrwngjak tong tei bórokni naharmungrok tamo abo rokno saimanna bagwi.
Obo hai patimung bai kaisa kokle swrai-swrai wngu, bisi brum-brum kwbangma borokrokno chaya lamatwi ayang narni básui Tripura hasteo haphayu, baksa ba romjago baksa ba romjakya, romjakya rokhe ba wanamung kwrwikhe hasteni bebak besero tongthai swnamwi tongwi tongu. Chini baithang ari rok bwswk ba kahamkhe khájak abono bo phunugu, tei amtwi romjakmani patimungo kwbangkuk no thuruk bosongni borok romjakmani simi koktwmao ka'o, phiya Hindu Wanjwirokno rommani koktwma khwnaya swkno hwnwi manu. Abo bai koktwma khwna'ui wanana karwi tongkosong lukurok tei mungsa khwlaimanya.
Tags
Editorial