Tangsalo Tripurao bo Emergency Alert Message nugwi hasteni lukurok uanama chalaikha.

 

Screenshot: DOT tei NDMA bai amjokjakma Emergency Alert Message 

Tangsalo Tripura, Assam, tei Northeast gwnangwi no 'Emergency Alert Message' flash wngkha Smartphone thwngwi tongnairok ni Mobile'o.

20 July 2023'o, Department Of TeleCommunications (DOT) tei National Disaster Management Authority (NDMA) sakhlaikha bórok 'Cell Broadcast' ni 'Emergency Alert System' 'SAMPLE TESTING MESSAGE' khainai hwnwi.

Department Of TeleCommunications (DOT) tei National Disaster Management Authority (NDMA) pal baksákhe kaisa 'Emergency Alert System' ni amjokmung khaikha Barot haktoro, Mobile Phone'o, jotto kotor-chikon Network na'ui tongnairok Emergency Alert mankha, bórokni Mobile'o, khorang kotorkhe tei chẃngbak-bakhe 'Flash Message' nugjak baikha.

Emergency Alert Message'o (EAM) swijak tongo -

"Emergency Alert: Nangkukmani. Ta wanadi omo kaisa 'SAMPLE TESTING MESSAGE' horjakmanise, norokni bwkhaktẃi mungsa yapri sena nangya. O koktun National Disaster Management Authority ni bwkhaktẃi O Emergency Alert Message India haktor gwnangwi horjakha. Oboni naharmung lukurokni hamkrai tei jorani bising hamya jorarogo kok sogwi rwnani bagwi. 

Tamoni bagwi DOT 'Cell Broadcasting Alert System' amjoknani nangkha - obokhe haise ni bejua jorao lukurokno hoja khaina bagwi. 

'Cell broadcasting Alert System' lukurokni Phone Screen'o Emergency Alert hornani bagwi samungo phwnangjaknai, abo nobat-pantwi (weather) wngdi, Tsunami wngdi, Flood wmgdi, Bangla wngdi, eba National Emergency wngdi bebak nangkukma jorao obo samungo phwnangjaknai.

O koktunno Hindi tei English kainwi (2) kokbaino rohorjago, kwbangma borokno, waikwbang jorani bising, dalbidal Networkrok tẃi no O koktun horjakha.

Ministry of Communication sakha 'Cell broadcast Alert System' jotto Telecom Service rwnairokno O Test khaina hwnwi. Tabok ni jorao E amjokmung wngwi tongo Jio tei BSNL Network rogo simi, phiya daktino Airtel tei juda TSP rogobo E 'Broadcast Alert System' no amjokjaknai.

Chini Tripura'o Tangsalo E 'Emergency Alert Message' Mobile Phone rogo amjokjagu.

Mo haikheno Kolkata, Delhi, Lucknow tei bo kwbangma aulikhoro chini Tripura'ni swkang E Emergency Alert Message'no rohorjak paikha. 

C-DOT's (Centre For Development Of Telematics) CEO Rajkumar Upadhyay. Bo sao tabokni jorao Emergency Cell Broadcast Technology phatar haktor rogo simi se manthogu, amo baino testing khaijak tongkho.

Bo teibo sakha - "Make in India ‘Emergency cell Broadcast Technology’ haktor bisingo swnamwi tongu. Amono National Disaster Management Authority (NDMA) bejua jorao samungo phwnangnai Direct Emergency Alert Message rohorwi Mobile Phone rogo.

Tabuk Emergency Alert: Nangkukmani ‘SAMPLE TESTING MESSAGE’ Mobile Screen no phaimani mungsa kirina kwrwi, mo Barot haphang amjogwi tongmani se, Emergency Alert Message rohorwi kahamkhe de tháng naina bagwi.

Norokni Mobile'o tabuk bo E koltun phayakhu hwnkhe daktino phainai.