Tangsalo kaisa koktwma thuma panda narwgwi, ADC haphangni ICA bedekni wngwi Bg. EM Suhel Debbarma 'TIPRA IDOL' mungwi kaisa Rwchapma Bataimung luwajijaknai hwnwi sakhlaikha.
A koktwma thuma pandao ADC ni Chief Legal Advisor Datamohan Jamatia tei ICA bedekni Director Cheo Debbarma bo manjakha.
TIPRA IDOL BATAIMUNG:
Tipra Idol'o batainani bagwi batainairok bisi chiba umor (15 years) tei bisi nwichiba umor (25 years) ni bisingo wngnani nangnai. Batainairok Hukumu no rwngwi kaisa rwchapmung marwchapnai tei tabukni tonghang jorani kaisa rwchapmung marwchapnai. Juda juda dophani borokrok sakbaithang dophani kokbai bo rwchapmung marwchapnai.
Puilani bwkhakni batainairokni saimungrok, Zonal bataimungni bisingtẃi khlaijaknai. Kaisa-kaisa Zonalni khorokba (5) khlaywi saijaknai. Kaichar (8) Zonal'ni khorokbrwichi (40) borokrok Dangsa (Stage) saka kasa'ui 'Gala Compitition-o' batainani seb mannai. Aroni bising khorokchiba (15) borokrokno 'Third Round' ni bagwi chongjaknai. A khorokchiba (15) borokni bising khorokchi (10) borokrokno 'Semi-Final' ni bagwi tlangjaknai. Tei A khorokchi (10) ni bising khorokba batainairokno 'Final Round' ni bagwi chongjaknai. Paithak Round eba 'Final Round' no sogwinai khorokba (5) batainairok, December talni salchi (10th December) salmario Khumulwng Stadium'o kaisa kotor panda songchajakma bisingtẃi batairwjaknai.
Tipra Idol bisi 2023'o kwplai wngnai khok sarasai eba 1 lakh rangmari mannai tei abo simiya aboni logi kaisa Scooty bo mannai. Kwplai wngmanliya phiya 'Second' wngnai bo khok 50,000 rangmari mannai tei 'Third' wngnai hwnkhe khok 25,000 rangmari mannai.
Zonal Berem Bataimungrokni Thai (place) tei Salmarirok (date):
North Zonal - Kanchanpur (November 15).
Unokoti Zonal - Rajkandi (November 16).
Dhalai Zonal - Shikhari Bari (November 18).
Khowai Zonal - Tulashikok (November 19).
Sipahijala Zonal - Bishramganj (November 21).
Gomti Zonal - Killa (November 22).
South Zonal - Bir Chandra Manu (November 24).
West Zonal - Khumulwng (November 26).
'Gala Compitition' Zonal bataimungrokni yagulo no November talni salnwichichuku (November 29) chengjaknai. Aboni yagulo December 1 tei December 3 salmari'o Nuai Auditorium'o 'Third Round' tei 'Semi Final' wngnai.
Jotto batainani muchungwi tongnairok Sub Zonal tei Zonal Office rogo sakni umor sakhlaimung Document rok (Age proof) tlangwi bataimungni bagwi teibo saimanwi manu.
Registration khlainani bagwi Registration Form Download khlaywimanu.