Tripura Chongmarini rwkha 'result' luku rok chongma twi phailiya kwtal haphang

Bru Voters Standing in line to vote

Election Commission of India(ECI) sangrongsalo Tripura Kerongchabnokni(TLA) ni Chongmarini wngmung(result) sakwlaikha.

Kwdwkma sal romwi nasingma Chongmarini result swrai swraikhe nukjakphaikha, BJP+IPFT thamchitham(33) achukthai manwi kwplai wngma nukjakha, aboni unglugu CPIM+INC chibrwi(14) achukthai mankha, tei TMP chitham(13) achukthai manwi Tripura ni laibumani jottoni sai kotor regional party wngwi phunukha.

Designed by - East Twipra infos

Phungni Dam Char(8) ni simi haste gwnangwi lekhajakmathai rogo no chongmari ni lekhamung chengwi rwjakha. Phungni simi no BJP thamchisa achukthayo agug tongmani sarikni dambrwi phai te phai te swrai swrai khe thamchinwi achukthayo sak baithangni phan bai kwplai wngwi phunukha tei bini logini IPFT hwnkheno kaisa achukthayo kwplai wngwi mankha.

Designed by - East Twipra infos

Phiya jottoni uansukmao tongma Bubagra Pradyot Kishore Manikya Debbarma ni TIPRA Motha Party je chongma twi achukthai kwbang narwk manliya. Tei CPIM bai Congress ni thansa bo BJP no haphango kiphilnani narwk manliya.

Designed by - East Twipra infos

Tabuk teisa BJP ni haphang tei bisiba(5) ni bagwi haste no naikolnai. Phiya swngmung khe abose 'Vision Documento' swmai tangjak samung rok kaibwswk ba supungwi phunuk mano? Tei tongkosong Tiprasa rokni sanmung bwswk ba khnajakno, Aboni bagwi chwng nasingwi simi tongwi mano.

.

.

@eastrwipra.in no follow khaidi Hayung gwnangni koktwma teibo swrai swrai khe saimanna bagwi.