Chasalni dipor hai jora, Nightingale Debbarma bini birthday phuru manmani tei bo khatimani rang rokno Bubagra Pradyot Bikram Manikya DebBarma no chubanani hwnwi, yapharkha. Bo Benjamin Debbarma ni sajwk, bini bupha bo Bubagra no chubana bagwi, kisa sal swkang no ₹99,999, rwmani nugkha tei abo social media rogo viral wngma bo nugjakha, tabuk bini sajwk bo amtwi haikheno chubana bagwi agugkha.
Nightingale mungui bisi dok umor ni charai dophani bagwi khakuwarni phunukmari phunukha tini chasalo bini yakbai khatijak piggy bank(rang gola) bini achai ma saalo manmani rang rok Tipra motha no yaphar kha,Lamsogui yachakha Tipra mothani ojama Maharaj Pradyot Bikram Manikya DeBbarma.
Salkisisa swkang Maharaj P. Manikya lukurogno "Greater Tipraland" kokpirna bagui rangmarini chubachu sanmani. Khagwnang Lukurog chubachu khwlaima Bo nukjakha. Thwngrwng tei dopha hamkwrai ni kokno bujiyui chakwra rok no nuigui oh charai Nightingale Bo kisisa chubana muchung jagwi chubana bagwi bumano chubaina koimani. Chasalo Buma Bupha tei Bo Nuyung ma o pahaiyui bubagra Bai malai khaswrang jakha.
Salnwi saltham swkang Benjamin Debbarma Nightingale Debbarma ni Bupha Bo chubachu khwlaikha Tipra Motha chajakgwi Party(TMP) no Rs. 99,999 rangmari Bai. Haikheno Bupha haikhe bwsajwk Bo yakphologwi chubachu khwlaikha dopha hamkwrai ni bagwi.
Chongamri gana rwrwk haste o thwng rwng bodol rok ekerlai rwrwk thwngrwngni Thai naitukgwi. Haikheno haste o Bo "Greater Tipraland" ni khorang teibo kwrak wng rwrwk. Haikheno khoroksa cherai chubachu khwlaima bisingtwi bwskang ni chobao thansa wngnana kobokha.
Nightingale Debbarma wngkha Benjamin Debbarma ni sajwk kami- Chengkharu Kami. Belbari Tripura West hinui saimankha.
Tripura Haste ni lulurok o chikonsa cherai no chwbachu khwlaima nukgwi khatwtwng matong jakha tei nwng ang chubachu khwlaima bisingtwi dopha yokma mansithu hinui salai tong laikha.
Tags
Khatungma Koktwma
❤
ReplyDelete